रायपुर| cm साय ने छेरछेरा की दी शुभकामनायें कहा सब्बो भाई-बहिनी, महतारी अउ सियान-जवान मन ला जय जोहार हमर छत्तीसगढ़ के लोक परब ‘छेरछेरा’ के गाड़ा-गाड़ा बधाई अउ सुभकामना। छेरछेरा ह, हमर संस्कृति म, दान-पुन के महापरब आय।
छेरछेरा तिहार ह, हमन ला, दान-धरम अउ आपस म मिल के रहे के संदेश देथे। छेरछेरा तिहार सिखाथे के अन्न के दान सबसे बड़े दान आय।हमर किसान भाई, हमर अन्नदाता, जेकर मेहनत ले घर-घर मा अन्न पहुँचथे आज मैं हा, ओ मन ला, बिशेस रूप ले जोहार करत हौं।
हमर सरकार किसान मन के खुशहाली बर काम करत हे। हमर सरकार धान खरीदी के सुचारू व्यवस्था, पारदर्शी प्रक्रिया अउ समय म भुगतान सुनिश्चित करके किसान मन के भलाई अउ सम्मान के लिए काम करत हे। छेरछेरा के पावन परब के, आप सब्बो झन ला फेर एक घांव गाड़ा- गाड़ा बधाई।
